Greqi, humbi thellë përballë Mitsotakis në zgjedhjet parlamentare, Tsipras dorëhiqet nga kreu i 'SYRIZA-s': Nuk do të kandidoj më për të drejtuar partinë

GREQI- Pas humbjes së thellë përballë Kyriakos Mitstotakis në zgjedhjet e parakohshme të mbajtura të dielën e kaluar, kreu i SYRIZA-s, Alexis Tsipras nëpërmjet një deklarate të jashtëzakonshme dha dorëheqjen nga drejtimi i partisë.

Ai bëri me dije se nuk do të kandidojë sërish për të qenë kryetar dhe se do të propozojë një lidership të ri në krye të partisë.

“Kam vendosur të propozoj zgjedhjen e një lidershipi të ri nga anëtarët e partisë me rekurs të drejtpërdrejtë në procedurat në të cilat nuk do të jem kandidat. Është e nevojshme të gjendet një SYRIZA e re që do t'i përgjigjet sfidave dhe pritshmërive të atyre që ka vendosur të përfaqësojë”, tha Alexis Tsipras , duke deklaruar njëkohësisht se është krenar për atë që partia ka arritur të arrijë.

LEXO EDHE:
Dritan Hila: Pse Micotaqis duhet ta pranojë dorën e shtrirë të Ramës!

Ai tha se Syriza u bë partia e parë në Evropë që qeverisi në kushte shumë të vështira.

Ndërkohë në zgjedhjet e mbajtura në 25 qershor, Mytsotakis u konfirmua kryeministër duke marrë mbi 40% të votave përballë Mitsotakis i cili nuk arriti të merrte as 20% të votave.

B.V/Shqiptarja.com

TAG:
• Alexis Tsipras
• Kyriakos Mitsotakis
• greqi